Halos 300 pa ka pamilya nga nag-evacuate bangud sang Bagyo Urduja, nakabalik na sa ila balay

Iloilo — Nakabalik na sa ila tagsa ka panimalay ang halos 300 ka pamilya sa probinsya nga nag-evacuate kasunod sang pagpanalasa ni Bagyo Urduja.  Suno kay Provincial Disaster Risk Reduction and Management Council ukon PDRRMC officer Jerry Bionat, 187 ka pamilya sa Concepcion, 50 ka pamilya sa Carles, kag masobra 30 ka pamilya sa Estancia ang nag-evacuate sang sabado sang aga apang nagbalik na sa ila panimalay kahapon. Temporaryo nga nagtenir sa mga brgy halls kag eskwelahan ang mga apektado. May ginhatag nga relief package ang natungdan nga mga local government units sa mga nag-evacuate.  Ginpahayag naman ni City Disaster Risk Reduction and Management Council ukon CDRRMC officer Darwin Papa nga wala sang may nag-evacuate nga mga pumuluyo sa syudad kasunod sang pag-ulan.  Nagpahanumdom sanday Bionat kag Papa sa publiko nga dapat mag-uligmat agud malikawan ang mga insidente. (JoMaque)