Pasahero sa Caticlan Jetty port, nagreklamo nga gin-una akomodar ang mga turista nga pakadto sa Boracay imbes ang mga na-stranded sang apat ka adlaw bangud sa bagyo

Caticlan, Aklan–Nagreklamo ang pasahero nga na-stranded sa Caticlan Jetty Port nga gina-una akomodar sang tagdumalahan ang mga turista nga padulong sa Boracay sang sa mga na-alangan sang apat ka adlaw bangud sa Bagyo Urduja.

Suno kay Mr. Ner Antonio Garchitoreno sang Manila, wala ginpadungka ang mga barko nga mapa-Manila bangud gina-una ang mga turista nga makadto sa Boracay. Halos anum ka oras suno kay Garchitoreno nga nagtindog sila sa mga ticketing outlets agud magawat sang ticket kag makapauli na. Pasado alas-11 na kaina sang aga sang ginbuksan sang mga shipping companies ang ila mga opisina.

Nagreklamo man si Garchitoreno nga sa apat ka adlaw nga pagka-stranded nila sa Caticlan Jetty Port, wala gid sang gintanyag ang management ukon ang local government unit nga tululugan ukon pagkaun. (AGB)