Housekeeper sa mall, nagreklamo nga gintampa sang promodizer

Iloilo City — Preso sa Mandurriao Police Station ang 23-anyos nga promodizer matapos ginpahayag gintampa niya ang house keeper sa mall sa Diversion Road kahapon. Suno sa tagreklamo nga si Jene Jean Ermeje, 30-anyos sang Brgy. Lab-on, Igbaras, ginpamangkot niya kon ano ang ngalan sang promodizer matapos naggamit sa comfort room sang mga Person With Disabilities ukon PWD. Ginpahayag hinali lang naugot ang ginreklamo nga si Dona Rose Cordero sang Poblacion, Barotac Viejo tubtob nga gintampa niya si Ermeje. Ginpasaka ang kaso nga slander by deed batuk kay Cordero. Nagpamalibad nga magpa-interview ni Cordero. (JoMaque)