Ileco II, ginaduso ang Smart Metering Program

Iloilo — Ginaduso sang ILECO II ang smart metering program. Suno kay Engr. Jose Redmond Eric Roquios, general manager sang ILECO II, may isa ka subdivision na sila nga ginpaidalum sa pilot test. Sa 116 000 nga kabugusan nga numero sang mga member owners sa kooperatiba, 25% diri ukon 29 mil ka mga metro sang member owners ang ipaidalum sa lihok sa masunod nga lima ka tuig. Paagi sa smart metering, malikawan suno kay Roquio ang sala nga reading kag billing sa mga metro. Kon mangin madinalag-on, ipaidalum pa gid ang iban nga mga metro sa smart metering sa masunod nga mga tinuig apang ginabanta 80% lang sa kabugusan nga mga metro ang mahimo ipaidalum sa amu nga programa. Indi applicable ang smart metering sa mga malayo nga lugar suno kay Roquios sa diin Barangay Power Association ukon BAPA ang mas nagaka-angay. Sa BAPA, ang mga pumuluyo sa lugar ang nagadesignar sang in-charge nga mareading sa ila metro, madul-ong sa mga billing kag matipon sang bayad sang mga kondumidor. May 5% rebate nga ginatanyag ang ILECO II sa BAPA. (JoMaque)