5 ka mga establisiemento sa syudad, natukiban nga wala nagatuman sa Executive Order nga mandatory closure halin alas 2 sa kaagahon

Iloilo City — Lima ka mga establisiemento sa syudad ang namonitor sang Public Safety and Transportation and Management Office (PSTMO) ang wala nagasunod sa Executive Order ni Mayor Joe Espinosa nga siraduhan ang mga commercial establishments nga nagaserbi sang ilimnon halin alas 2 sa kaagahon. Ini amu ang Andoks, Lanai Grill kag Foodville sa Smallville Area; DSS Club sa JM Basa kag Jefferson Night Club sa Muelle Loney.

Suno kay PSTMO Head Jeck Conlu, isumiter niya ang report sa Business Process and Licensing Office buwas, Disyembre 21 para sa posible sanction. Ang BPLO naman suno sa iya ang mapadala sang notice of violation sa nasambit nga mga establishemento. Ginpahibalo man ni Conlu nga magahatag sang report kada duha ka adlaw ang PSTMO sa BPLO. (JoMaque)