Management sang tanan nga security agencies lakip na mga drivers, ipatawag sang city government agud ipahanumdom sang traffic laws

Iloilo City — Plano sang city government nga ipatawag ang tagdumalahan sang tanan nga security agencies lakip ang ila mga drivers agud mapahanumduman sang mga traffic laws.  Kasunod ini sang ginpahayag pagpugok sang trapiko sa Luna Street, Lapaz bangud nga nagapondo sa tunga sang karsada ang armored van nga tuyo mag-left turn pakadto sa bangko kag nagresulta sa pagkasa sang AK-47 kag pagpakita sang dirty finger sang security personnel sa nagsaway nga traffic auxiliary.

Suno kay Public Safety and Transportation Management Head Jeck Conlu, indi exempted ang mga armored vans sa mga traffic laws.       Nagapati si Conlu nga wake-up call sa mga nagadala sang armored vehicles ang insidente.  Masami nga wala ginapati sang mga drivers sang armored vahicles suno kay Conlu ang mga traffic auxiliaries. (JoMaque)