(UPDATE) Traffic aide, nanginwala nga ginbulya-bulya ang armored car nga ginasakyan sang tatlo ka security personnel sang DASIA nga iya nakabais sa trapiko

Iloilo City–Ginpanghiwala ni traffic aide Leo Joseph Causing nga ginbulya-bulya niya ang armored car nga ginsakyan sang tatlo ka security personnel sang Davao Security and Investigation Agency ukon DASIA nga nakabais niya sa trapiko sa Luna Street, Lapaz sang damlag lang.

Ginabaliskad suno sa iya sang mga guwardiya ang istorya agud maguwa nga siya ang may sala. Ginpahayag ni Causing nga imposible nga mabulya-bulya kag mabuksan niya ang armored car bangud mabug-at ang salakyan kag mabudlay abrihan. Indi man matuod suno sa iya nga ginlambatan niya ang armored car.

Sa panaysayon ni Causing, nagapundo na sa tunga sang karsada ang salakyan sang ginpalapitan niya. Nagkadtu pa si Causing sa atubang sang armored car kag ginpalpag ini sang hinay agud makuha ang atensyon sang driver kag ginsensyahan sang sa unhan lang maliko apang ginsenyasan siya sang dirty finger. Nagreklamo man ang traffic aide nga ginkasahan sang AK47 sang naguwa ang mga guwardya sa armored car.

Ginpahayag ni Causing nga nagapangita lang sang rason ang tatlo agud matabunan ang ila kapaltahan. (AGB)