BSP-Iloilo, bukas sa Disyembre 26 sang aga

Iloilo City–Bukas ang Bangko Sentral ng Pilipinas-Iloilo Branch sa Disyembre 26 bisan nga may work suspension sa mga opisina sang gobyerno.

Suno kay BSP Iloilo Deputy Director Jo-Anne Marie Castelo, magabaton sila sang mga luyag magpabaylo sang daan nga kuwarta sa new generation currency halin alas-8:30 sa aga tubtob alas-12 sa udto sa amo nga adlaw. Tugtan suno sa iya nga magpabaylo sang maximum amount nga P100, 000 sa kada transaksyon.

Ginpahanumdom ni Castelo nga tubtob na lang sa Disyembre 29 ang pagpabaylo sang daan nga banknotes kag wala na sang extension sa deadline. Paglapaw sang Disyembre 29, wala na sang balor ukon makabig na nga basura ang daan nga mga kuwarta. (AGB)