Presyo Sang Mga Noche Buena Package Nagtaas Samtang Nagahilapit Ang Paskua Kag Bag-ong Tuig

Western Visayas – Nagsaka ang presyo sang kalabanan nga noche buena products samtang nagahilapit ang Christmas kag New Year.

Suno kay Mrs. Felisa Judith Degala, chief sang Consumers Protection Division sang Department of Trade and Industry VI, gintumod nga rason ang pagmahal sa presyo sang raw materials nga gina-import. May epekto man suno kay Degala ang pagnubo sang balor ang Philippine peso kon ikumparar sa dolyar.

1% ang pinakamanubo nga saka sa presyo ukon katumbas sang 45 sentimos sa fruit cocktail. 11% naman ukon 22 pesos ang pinakamataas nga increase sa isa ka brand sang ham. Apang gin-athag ni Degala nga sulod pa sa suggested retail price ang presyo sang mga noche buena products.

(ATT)