Tatlo Ka Security Personnel Nga Ginreklamo Sang Traffic Enforcer Nga Nagkasa Sang Pusil Kag Nagpakita Sang Dirty Finger Nakasumiter Na Sang Ila Paathag Sa Ila Security Agency

Iloilo City – Nakasumiter na sang paathag ang tatlo ka security guard sang Davao Security and Investigation Agency ukon DASIA nga ginreklamo ni traffic aide Leo Joseph Causing nga nagsenyas sang dirty finger kag nagkasa sang AK47 sa Luna, Lapaz sang damlag lang.

Suno kay DASIA Branch Manager Timmy Nicor, nagpasa sang explanation sanday security guards Romelo Flores, Joemarie Mandahoyan kag Novie John Azucena. Wala na ginsaysay ni Nicor ang kaundan sang paathag sang tatlo ka guwardya.

Gin-ako ni Nicor nga nakita niya nga may violation sa protocol ang tatlo ka guwardya matapos nga naguwa sa armored car. Posible suno kay Nicor nga nagpadala sa iya balatyagon ang driver. Ginaclaim sang mga guwardya nga ginlambatan sila sang traffic enforcer kag ginbulya-bulya ang armored car. Ginpanginwala naman ni Causing ang akusasyon sang mga guwardya.

(att)