P450K nga suspected shabu, nakuha sa 19-anyos nga babaye sa buy bust operation sang RDEU

Iloilo City — Mamaskuwa sa presuhan ang 19-anyos nga babaye matapos nadakpan sa buy bust operation sang Regional Drug Enforcement Unit sa San Pedro, Molo.   Ginabanta sa 450 mil pesos ang balor sang suspected shabu nga nakuha kay Jinky Sanchez sang Victorias City, Negros Occidental. Suno kay Senior Inspector Kenneth Bermejo sang RDEU, preso sa Bilibid ang amay ni Sanchez.  Ginpahayag nga halin sa Muntinlupa ang drug supply ni Sanchez nga ginapa-agi sini sa RORO vessel pakadto sa Caticlan, Aklan.  Suno pa kay Bermejo, may ginahulugan sang supply sa Iloilo si Sanchez apang wala sini ginbuyagyag ang identity. Ginadala man sang subject ang iban nga stock sa Negros.  Ini ang labing una nga accomplishment sang RDEU sugod sang ginpabalik ni Presidente Rodrigo Duterte sa anti-illegal drug operations. (JoMaque)