Barangay tanod sa Tubungan, patay; amay sini, pilason sang ginbuno sang ila himata

Tubungan, Iloilo–Patay ang barangay tanod kag pilason ang iya amay nga ginbuno sa Barangay Igdampog Sur, Tubungan kagab-i.

Ginkilala ang napatay kay Tanod Marcelo Tabalina, 30-anyos, nga may pilas sa dughan. Ginabulong naman sa ospital sa syudad ang iya amay nga si Leonidas Tabalina, 57-anyos, samtang nadakpan ang suspek nga si Rolly Tabalina, pakaisa sang napatay.

Suno sa Tubungan police, bag-o lang natapos ang Christmas party kag awarding sang basketball tournament sa barangay kag papuli ang mga biktima sang natabu ang insidente. Base sa imbestigasyon sang police, may daan nga hiligut-anon ang mga biktima kag suspek. (AGB)