PAGPALUPOK SANG FIRECRACKERS SA UGSARAN, PWEDE MADAKUP BASE SA EXECUTIVE ORDER NI PRESIDENTE RODRIGO DUTERTE—IPPO DIRECTOR

Iloilo–Pwede ma-aresto kag mapreso ang magpalupok sang firecrackers sa ila ugsaran.

Pahayag ini ni Iloilo Police Provincial Office Director PSSUPT Marlon Tayaba base sa Executive Order No. 28 nga ginpaguwa ni Presidente Rodrigo Duterte sang Hunyo subong nga tuig. Suno kay Tayaba, naka-alerto na ang mga pulis sa kabanwahanan sugod subong nga adlaw tubtob sa pagsug-alaw sang bag-ong tuig.

Ginpahanumdom man ni Tayaba ang mga pulis nga magapangatubang sila sang kaso administratibo ang madakpan nga magpalupok sang pusil subong nga holiday. (AGB)