8 ka tuig nga bata nga lalaki, patay matapos nalumos sa swimming pool

Estancia, Iloilo — Patay ang 8 ka tuig nga bata nga lalaki matapos nalumos sa swimming pool sa isa ka inland resort sa Barangay Bolaceña, Estancia. Ginpahayag nga ulihi na natalupangdan sang iya ginikanan si alyas Pet nga nagsarurot sa tubig. Gindala pa sa Jesus Colmenares Memorial District Hospital si Pet apang wala na natabangan. Ginbasol naman sang pamilya ang tagdumalahan sang inland resort bangud sa kapaslawan nga magpahamtang sang lifeguard. Nagpasalig naman ang tagdumalahan sang inland resort nga sabton ang tanan nga gasto sa pagpalubong sa 8 ka tuig nga bata. (JoMaque)