Nagabusong nga asawa, mapasaka sang kaso sa iya bana nga iya gintudlo nagbuyayaw kag nagsumbag sa iya

Iloilo City–Desidido ang nagabusong nga asawa nga pasakaan sang kaso ang iya bana bangud sa pagbuyayaw kag pagsumbag sa iya kagab-i.

Suno kay alyas Rose, 34-anyos sang Jaro, makapila na ka beses siya ginasakit sang iya bana ilabe pa kon hubog ini. Magluwas sini, ginpahayag nga ginahimuan siya sang istorya sang iya bana nga si alyas Wils nga malain siya nga babaye.

Nakita sang tatlo ka bata ni Rose ang pagbuyayaw kag pagsumbag sa iya ni Wils samtang nagapamaskuwa sa balay sang iya tiya.

Nakit-an ni Wils nga may nagakatulog nga lalaki sa sulod sang balay sang tiya ni Rose gani nagpangimon ini kag ginbuyayaw dala sumbag sa kilid kag guya ang asawa. Nagapabilin nga at-large ang bana. (AGB)