BFP Natalana Mag-Issue Sang Notice To Comply Sa Duha Ka Manugbaligya Sang Palupok Lakip Ang Brgy. Kagawad Sa Quezon, Arevalo

Iloilo City – Isyuhan sang Bureau of Fire Protection Iloilo City sang Notice to Comply sanday Barangay Kagawad Ronald Custodio kag Liberato Abanilla sang Quezon, Arevalo angut sa ila pagbaligya sang palupok sa ila area.

Suno kay City Fire Marshal Bartolome Biliran, dapat butangan ni Kagawad Custodio sang concrete wall ang stock room sang mga palupok. Samtang ginhambalan si Abanilla kakason ang tululugan sa ingud sang stockroom. Kon macomply suno kay Biliran nanday Custodio kag Abanilla, pwede na sila liwat maka-display kag makabaligya sang mga palupok kag pyrotechnics.

Kaupod ni Biliran nga naghimo sang inspection sanday Mr. Norman Tabud nga head sang Business Permits and Licensing Office kag Mr. Jeck Conlu, head sang Public Safety ang Transportation Management Office.

Ang display nanday Custodio kag Abanilla, separado sa fireworks display areas nga gin-designar sa Executive Order ni Mayor Joe Espinosa sa Circumferential Road 1 sa Corner Jocson Street sa San Jose, Arevalo kag punta sang Circumferential Road 1 sa Buhang, Jaro

(ATT)