Major Gen. Jon Aying, nagretiro na: Brig. Gen. Dinoh Dolina, nagtal-us bilang Division Commander sang 3ID sang Phil. Army

Jamindan, Capiz — Nagpungko bilang bag-o nga Division Commander sang 3rd Infantry Division si Brigadier General Dinoh Dolina tal-us sa magaretiro nga si Major General Jon Aying kasunod sang change of command and testimonial review with retirement ceremony kay Aying sa Camp Macario Peralta, Jamindan, Capiz kahapon.

Si Dolina nga 54 anyos ang tumandok sang Palo, Leyte, graduate sang PMA class ’85 kag anay liaison officer sang Armed Forces of the Philippins sa kongreso antes nagpungko sa 3rd ID. Nangin commanding officer man siya sang 802nd Infantry Division sa Leyte. Ginakabig ni Dolina nga swerte ang pagbulos kay Aying kag nagpasalig nga padayunon ang mga programa para sa kalinong kag katawhay sang Western Visayas. (JoMaque)