Biyahe sang sea vessels halin Iloilo nga una ginkanselar bangud sang bagyo, balik na sa regular suno sa Coast Guard Iloilo Station Commander

Iloilo–Ginkanselar ang biyahe sang mga sea vessels halin sa Iloilo pakadto sa iban nga Negros Occidental kag iban pa nga probinsya matapos ginpa-idalum sa signal number 1 dala sang Bagyo Agaton ang Southern Iloilo, Negros kag Guimaras kaina.

Apang ginbalik man sa normal ang biyahe ala-1 kaina sang hapon matapos nga gindula ang storm signal. Ginkonfirmar ni Coast Guard Iloilo Station Commander Ramil Palabrica ang pagbalik sang biyahe matapos ang latest weather update sang PAGASA.

Una na nga ginsuspender ang biyahe sang RORO vessels halin sa Dumangas kag syudad pakadto sa Bacolod City, Palawan kag Cebu; fast crafts halin sa syudad pa-Bacolod kag pumpboats halin sa Guimaras pa-Negros kag vice versa. Patakaran sang Coast Guard ang pagpa-untat sang biyahe sang mga sakayan pandagat kon may storm signal sa point of origin kag point of destination. (AGB)