Food chain, nagreklamo sa ginpahayag overbilling sang PECO

Iloilo City — Nagreklamo ang food chain batuk sa Panay Electric Company bangud sa gulpi nga pagtimbuok sang ila electric bill.  Suno kay Councilor Joshua Alim, na-istorya niya ang manager sang food chain nga nanugid sang problema sa ila billing. Ginpa-athag sang store manager nga naga-average sa 8 mil tubtob 10 mil pesos ang ila ginabayaran sa PECO kada bulan. Apang nakibot sila sang nahimo nga 85 mil pesos ang October-November billing bisan duha ka semana nga wala nagamit sang aircon unit ang ila gamay nga outlet.

Gin-laygayan ni Alim ang food chain nga magpadala sang sulat sa PECO agud i-recalibrate ang ila kuntador. Apang ilakip ni Alim ang reklamo sang food chain nga wala pa sini ginhingadlan sa iya ginapasa nga complaints sa Energy Regulatory Commission ukon ERC. (JoMaque)