ICPO Director Henry Biñas, nagmandu nga pasakaan sang kaso ang mga nagpalupok sa indi designated nga firecracker zone sa syudad

Iloilo City — Ginmandu ni Iloilo City Police Office Director Henry Biñas ang pagpasaka sang kaso batuk sa mga nagpalupok sa indi designated nga firecracker zone. Suno kay ICPO Deputy City Director for Operations Supt. Rogen Morales, sila nga mga arresting officer ang magapasaka sang kaso batuk sa mga nagkaladakpan nga naglapas sa Executive Order Number 28 nga nagpalupok sa indi designated area. Sa record sang ICPO, 4 ang naaktuhan nga nagpalupok sa indi firecracker zone sa Lapaz kag Arevalo sa tion sang New Year celebration. Ipasaka ang kaso suno kay Morales batuk sa 4 nga nadakpan bisan puwede sila nga makapiyansa. (JoMaque)