Transport groups sa syudad, plano nga maghiwat sang untat biyahe subong nga bulan

Iloilo City — Gina-finalize sang mga transport groups sa syudad ang plano nga mag-untat biyahe batuk sa ginpahayag pagpabug-at sang gobyerno sa transport sector.  Suno kay Mr. Raymundo “Boyet” Parcon, presidente sang Iloilo City Loop Alliance of Jeepney Owners and Drivers Association ukon ICLAJODA, posible nga himuon nila ang untat-biyahe subong nga bulan.  Ginpahayag ni Parcon nga tuman ka daku sang epektu sang Jeepney Modernization Program sa mga operators kag drivers kag indi maathag ang bulig sang gobyerno.  Ginakabalak-an man sang sektor suno kay Parcon ang epekto sang Tax Reform Acceleration and Inclusion ukon TRAIN sa diin nalakip ang pagbuhis sa gatong. Dugang ni Parcon, nagdugang ang ila kabalaka sa plano ni House Speaker Pantaleon Alvarez nga sa kongreso kuhaon ang frankisa sang mga transport operators antes makabiyahe. (JoMaque)