Police, nagsambil ang bibig matapos ginsumbag sang babaye nga hubog

Iloilo City — Nagsambil ang bibig ni Police Officer 1 Virgilio Rojo sang Arevalo Police Station matapos ginpahayag ginsumbag sang 26-anyos nga babaye nga hubog sa Barangay Sto. Niño Sur, Arevalo kagab-i. Nagresponder sa kinagamo si PO1 Rojo nga nakasibilyan matapos nakabaton sang tawag nga may nagluntad nga komosyon sa lugar. Pag-abot sang pulis, nakita sini si alyas Alma kag ginpamangkot sa natabu. Nagpakilala nga pulis si Rojo pero ginpahayag ginhuro-huro kag ginkomprontar siya ni Alma kabangdanan iya gindakup.  Sa alegasyon sang pulis, hinali lang siya ginsumbag sang babaye sa baba rason nga nagsambil ang iya bibig.

Ginpanghiwala naman ni Alma ang akusasyon ni PO1 Rojo. Suno sa babaye, nanginpadlos lang siya matapos ginpugos sang pulis. Suno pa sa iya, ginwakli niya lang ang kamot sang pulis kabangdanan naigo sang kamot niya ang baba ni PO1 Rojo kag nagsambil. Nagpakitluoy si Alma kay PO1 Rojo. May duha ka kabataan si Alma. (JoMaque)