5 ka mga call centers companies sa syudad, naglapas sa fire code suno sa BFP

Iloilo City — Ginhatagan sang 15 ka adlaw sang Bureau of Fire Protection ang 5 sa 14 ka mga call center companies nga may masobra sa 50 ka empleyado nga mag-comply sa Fire Code of the Philippines. Ini ang ginpahibalo ni Fire Chief Inspector Christopher Regencia, Iloilo City Fire Marshal, bilang pagpasangkad sang kampanya sang BFP kontra sa sunog sa pagsugod sang tuig. Ang mga call center companies nga ginpadal-an sang notice of violation amu ang Teletech sa SM City; GC Contek Solution sa Quintin Salas, Jaro; Hinduja Global Solutions sa Brgy. San Rafael, Mandurriao; Reed Elsivier sa Iloilo Business Park, Mandurriao kag Savant Technologies sa Molo.

Suno kay Regencia, lain-lain ang mga violation nga natukiban sa pag-inspection sang mga BFP personnel base sa Fire code. Sa record sang BFP, 2 sa 5 ka call center companies ang nag-comply sang ila kakulangan antes pa magtapos ang 15 ka adlaw nga amu ang Hinduja Global Solutions kag Savant Technologies.

Liwat ginpasiguro ni Regencia nga hugot nga maga-monitor ang BFP sa mga mall sa syudad agud malikawan nga matabu sa syudad ang sunog sa Davao kag Cebu. (JoMaque)