(UPDATE) Mag-utod nga mangingisda nga missing halin Disyembre, nakita na

Tigbauan, Iloilo–Nakita na ang mag-utod nga mangingisda sa Tigbauan nga nadula halin sang Disyembre 30 sang nagligad nga tuig.

Ginkonfirmar ni Mrs. Nilos Fernandez nga nakatawag sa ila sanday Reyland, 24-anyos, kag Reynillo, 22-anyos, kagab-i. Ginsaysay sang duha nga nasampay sila sa kadagatan sang Puerto Princesa, Palawan kag ginsapupo sang fishing boat. Nadugayan nga makatawag ang mag-utod bangud wala sila sang cellphone signal kag wala pa nakadungka.

Wala pa nakabaton sang report si Ryan Bustamante sang Coast Guard Palawan tuhoy sa pagkasapo sa mag-utod apang nagpasalig nga mahatag gilayon sang feedback on maturn-over na sa ila ang duha.

Nadula ang mag-utod nga Fernandez matapos nga nagpalawod sang Disyembre 30, 2017. (AGB)