MIWD, posible magapasaka sang kaso sa city government bangud sa ginpahayag pagbully sa water district

Iloilo City — Ginakonsiderar sang management sang Metro Iloilo Water District nga mag-file sang kaso administratibo kag kriminal sa mga opisyales sang syudad kon padayun nga mabutang sa alang-alang ang MIWD bangud sa pagkuwestyun ni Mayor Joe Espinosa sa joint venture agreement nila sa Metro Pacific Water Investments Incorporated. Suno kay Atty. Roy Villa, corporate legal counsel sang MIWD, nagahulat na lang siya sang go signal halin sa Board of Directors sa posible ipasaka nga kaso sa Ombudsman kalakip ang Grave Abuse of Authority, violation sang Anti-Graft and Corrupt Practices Act kag Usurpation of Authority bangud sang paghatag sang syudad sang franchise sa South Balibago Resources Inc. (JoMaque)