(UPDATE) Ebidensya agud pasakaan sang kaso ang PECO, nagakaigo suno kay Councilor Plaridel Nava

Iloilo City–Bastante kag mabug-at ang mga ebidensya agud pasakaan sang kaso nga large scale estafa sang city legal office paagi kay Mayor Joe Espinosa ang Panay Electric Company (PECO).

Sabat ini  ni Councilor Plaridel Nava sa pahayag sang alkalde nga ipa-review sini sa konseho ang rekomendasyon nga pasakaan sang kaso kriminal ang PECO kag kinahanglan magpresentar sang ebidensya ang City Council. Ma-athag suno sa konsehal sa sworn statement, kopya sang billing kag compromise agreement sang mga nagareklamo nga konsumidor nga may erroneous billing ang PECO. Suno pa kay Nava, nahibaluan sang alkalde nga wala nagpinalagpat ang City Council sa pag-imbestigar sa issue.

Kon basehan suno kay Nava ang committee report ni Councilor R. Leone Gerochi, nagapakita nga may kapalpakan ang PECO. (AGB)