(UPDATE) Presidente sang Iloilo Lapuz Tricycle Operators and Drivers Association, nag-ako nga colorum ang ila biyahe sa Lapuz Port

Iloilo City–Gin-ako sang presidente sang Iloilo Lapuz Tricycle Operators and Drivers Association ukon LTODAS nga colorum ang ila pagbyahe sa Lapuz Port.

Suno kay Renzo Ardaliz, wala pa sila nahatagan sang prangkisa sang city government. Ang LTODAS nga may violet nga mga tricycles ang dapat nagabyahe sa Lapuz Port apang nagabyahe man sa lugar ang mga tricycles nga may iban nga ruta.

Lakip diri suno kay Ardaliz ang pula nga tricycles halin sa Villa, green nga tricycles sa City Proper kag blue sa Jaro.

Una na nagreklamo ang 34-anyos nga Japanese nga ginpalagyo sang tricycle driver nga iya ginsakyan ang iya bag nga may unod nga mga gadgets, kwarta kag personal nga mga gamit.

Ginpahayag naman ni Ardaliz nga mahimo malantaw ni Yuriko Sugaki ang photo gallery sang mga drivers sa ila asosasyon agud ma-check kun miembro nila ang ginsakyan niya nga tricycle driver. Suno kay Sugaki, skyblue nga tricycle ang iya ginsakyan kagab-i. (AGB)