Tatlo ka mayor sa Iloilo, wala na nalakip sa updated narco list ni Presidente Rodrigo Duterte suno kay Gov. Arthur Defensor

Iloilo–Wala na sa pinaka-ulihi nga narco list ni Presidente Rodrigo Duterte ang tatlo ka mga mayors sa probinsya nga una nalawagan protektor sang illegal nga druga.

Suno kay Governor Arthur Defensor, ginpasiguro ni House Speaker Pantaleon Alvarez nga wala na nalakip sa updated narco list ni Duterte sanday Calinog Mayor Alex Centena, Maasin Mayor Mariano Malones kag Carles Mayor Seigfred Betita.

Ginpamangkot ni Defensor si Alvarez angut sa natungdan nga mga mayors antes pa sila nagsumpa sa PDP-LABAN.

Lakip sanday Malones kag Centena sa nagsumpa nga mga local leaders sa PDP-LABAN sa Pototan Astrodome kahapon. (AGB)