4 nadakpan sa separado nga buy bust operation sang RDEU sa Oton kag Arevalo

Iloilo City —  Apat ang nadakpan lakip ang duha ka menor-de-edad sa separado nga buy bust operation sang Regional Drug Enforcement Unit sa Oton kag Arevalo.  Una nga nadakpan si Virgilio Emperio, 27-anyos sang Abilay Norte, Oton nga nakuhaan sang 21 ka sachets sang suspected shabu kag 2 mil pesos nga buy bust money. Samtang gina-imbestigaran, nabasahan sang mga operatiba ang transaksyon ni Emperio kag ni Reynold Fruelda, 30-anyos nga construction worker kag residente sang Project 5 Sooc, Arevalo gani gin-operate. Suno kay Senior Inspector Kennith Bermejo, head sang RDEU, nadakpan sa akto si Fruelda nga nagarepack kag nakuhaan sang anum ka bulto sang suspected shabu kag 2 mil pesos nga buy bust money.

Sunod nga naaresto ang duha ka menor-de-edad nga lunsay naga-edad sang 17 sa Project 5 Sooc Arevalo. Ang duha suno kay Bermejo ang nagabantay sang stocks ni Werjun Tanate nga preso sa BJMP Ungka. Nakuhaan ang duha ka menor sang 110 ka sachets sang suspected shabu. (JoMaque)