40-anyos nga amay, nag-ako nga nahimuslan ang iya 15-anyos nga bata nga babaye

Iloilo–Gin-ako sang 40-anyos nga amay halin sa isa ka banwa sa probinsiya sang iloilo ang paghimulos sa iya 15-anyos nga bata nga babaye.

Duha ka beses nga natabu ang paghimulos sa dalagita—una sang Setyembre kag ikaduha sang Disyembre sang nagligad nga tuig. Nagatrabaho sa iban nga pungsod ang iloy sang dalagita. Subang ini sa apat ka mag-utod.

Natukiban ang ginhimo sang amay sang nagpauli ang iloy kag nanugid ang biktima. Ginpanindugan sang amay nga hubog siya sang natabu ang paglugos kag nasal-an niya nga iya asawa ang biktima.

Naglikaw sa iban nga lugar ang mag-iloy samtang ginaproseso ang kaso nga ipasaka batok sa amay. Ginpahayag nga naghinulsol ang amay kag nagpangayo sang kapatawaran sa iya pamilya.

Napilitan nga mag-ako ang amay matapos nagpositibo sa medical exam sa bata nga nahimuslan ini. (AGB)