‘Laswa sa Lamesa’ Ordinansa, aprubado na sa third and final reading sang Sangguniang Panlalawigan

Iloilo–Aprubado na sa third kag final reading ang laswa sa lamesa ordinance ni Board Member Val Serag.

Suno kay Serag nagtulod sa iya agud magduso sang ordinansa ang malnourished nga kabataan sa probinsiya lakip ang mga basura sa balay nga sa iya pagtulok, puwede himuon nga talamnan sang utanon. May budget para sa information dissemination sang ordinansa kag ang Provincial Agriculture Office lakip na ang municipal agriculture office mabulig sa paghatag sang kinahanglanon sang residente pareho sang seedlings.

Aang mga barangay i-require man nga maghimo sang ila nursery ukon vegetable garden. Himuon na ini nga requirement sa barangay sa paghatag sang barangay clearance.

Paathag niya, indi paghatagan sang clearance ang residente kun wala ini sang organic vegetable garden. Sa mga wala space sa ila balay, mahimo suno kay serag nga mag-practice sang container gardening ukon ang pagtanum sang utanon sa mga suludlan pareho sang plastic container sang softdrinks. (AGB)