(Dinagyang Update) Luces in the Sky kag Glitters in the Sky, dayon na

Iloilo City–Dayon ang Luces in the Sky kag Glitters in the Sky nga fireworks display subong kag buwas sa gab-i matapos ginpirmahan ni Regional Civil Service Unit ukon RCSU VI Head Jomil John Trio ang permit sang Iloilo Dinagyang Incorporated.

Suno kay Trio, ginpasugtan siya sang Firearms and Explosives, Security and Guard Supervision ukon FESAGS sa Campo Crame nga pirmahan ang permit bangud sa kakulang sang oras.

Una na ginpahayag ni Chief Inspector Juvy Navales, hepe sang Mandurriao Police Station, nga indi nila pagpahanugutan ang fireworks display kun wala sang nagaka-igo nga mga permits.//

Madayon ang fireworks display kasunod man sang ginpaguwa nga Executive Order Number 8 series of 2018 ni Mayor Joe Espinosa nga nagadesignar sang firecracker zone.

Ang Luces in the Sky, hiwaton sa SM City car park alas-10 subong nga gab-i. Alas-8 naman buwas sa gab-i ang Glitters in the Sky sa Iloilo Business Park. (AGB)