Masobra isa ka kilo sang suspected shabu nga ginabanta nagabalor sang P15 million, nakuha sa maglive-in partner sa buy bust operation sa Dumangas RORO Port

Dumangas, Iloilo–Nagalab-ot sa isa ka kilo kag 20 ka gramo sang suspected shabu ang nakuha sa mag-live in partner nga nadakpan sa drug buy bust operation sa Sitio Nalo-oyan, Barangay Sapao, Dumangas kagab-i.

Ginkilala ni Iloilo Police Provincial Office ukon IPPO Director Marlon Tayaba ang mga nadakpan kanday Jose Alberto Pinaga, 32-anyos, kag Maebelle Belmonte, 30-anyos sang Brgy. Mabulac, Silay City, Negros Occidental. Nabaklan ang mga subjects sang duha ka daku nga sachets sang suspected shabu nga nagabug-at sang 10 ka gramo kag buy bust money nga P50, 000.

Dugang nga narecover ang isa pa gid ka daku nga sachet nga nagabug-at sang 10 ka gramo kag isa pa ka daku nga plastic nga nagabug-at sang isa ka kilo sang suspected shabu. Ginabanta sa P15 million ang market value sang narecover nga suspected shabu sa mag-live in suno kay Tayaba.

Ginakabig nga high value target level 3 sanday Pinaga kag Belmonte.

Sa follow-up operation sang kapulisan, nadakpan sa Brgy. Mandalagan, Bacolod City si Corazon Vergel alyas Neneng nga ginatudlo nagsugo sa mag-live in partner nga dal-on ang illegal drugs paagi sa pagsakay sa RoRo vessel. (AGB)