Nag-kampeon sa Ati tribes competition kag Kasadyahan Regional Cultural Competition, gin-imbitar nga magpasakop sa Aliwan Fiesta
Iloilo City — Gin-imbitar ni Ms. Ellen Fullido sang Manila Broadcasting Company (MBC) ang Dinagyang Festival champions nga magpasakop sa Aliwan Fiesta. Personal nga gin-agda ni Fullido ang champion sang Kasadyahan nga Hubon Mangunguma sang San Lorenzo, Guimaras kag Ati tribes competition nga Tribu Panayanon sa awarding ceremony kagab-i. Natalana ang Aliwan Fiesta sa Abril 26 tubtub 28, 2018.
Magluwas sa Aliwan Fiesta, gin-imbitar man ang Dinagyang nga magpasundayag sa Independence Day Celebration sang Filipino community sa New York City sa Hunyo. (JoMaque)