(UPDATE) Riding-in-tandem nga suspek sa pagtiro sa maestra sa Tigbauan, nakuhaan sang CCTV footage

Tigbauan, Iloilo–Nakuhaan sang CCTV footage ang riding-in-tandem nga ginatudlo nagtiro kay Lany Tamagos, 26-anyos sang Brgy. Buenavista, Tigbauan kag manunudlo sa Tigbauan National High School.

Suno kay PSI Hermogenes Eulatic, hepe sang Tigbauan Police Station, nahamtang ang CCTV camera sa highway sa Poblacion. Ginpakita sang Tigbauan police ang footage sa biktima kag positibo sini nga gintudlo ang mga suspetsado.

Ginsundan suno sa iya sang mga suspects ang tricycle nga ginasakyan sang maesta kag pag-abot sa Sitio Barocanan, Brgy. Dorong-an, Tigbauan, nag-overtake ang motorsiklo sang mga suspects kag ginpapara ang tricycle.

Ginapadalman pa sang Tigbauan police ang motibo sa insidente. Ginpahimuan na ni Eulatic sang composite sketch ang mga suspetsado kag ginpa-idalum sa ballistic examination ang narecover nga apat ka baseyo sang 45 kalibre nga pusil.

Padayon nga ginabulong sa West Visayas Sstate University Medical Center ang maestra. (AGB)