International lifestyle designer PJ Arañador, mga pila ka mga observations sa bag-o lang natapos nga Dinagyang Festival 2018

Iloilo City — Nag-post sang iya mga observations sa bag-o lang natapos nga Dinagyang Festival ang international lifestyle designer nga si PJ Arañador.  Sa iya nga Facebook post, gintumod ni Arañador ang 6 ka mga rason agud i-reinvent ang Dinagyang.  Lakip na dire ang paglimit sa kadamuon sang mga props nga nagasablag sa panan-awan sang audience, paghimo sang mga bag-o nga komposisyon para sa music kag maghimo sang mas mamag-an nga costumes para sa mga dancers kag warriors agud makahulag sang maayo.  Natalupangdan man sini nga para lang sa mga elitista ang performance areas kag mas naka-appreciate sa pagpasundayag sang mga tawo.  nangin commercialized na suno sa iya ang festival bangud ang mga makasarang ang may prebilihiyo nga makalantaw sang bug-os nga performance sang mga tribu.

Ginsuhestyun sini nga kinahanglan nga mag-perform ang mga tribu sa mga dalanon agud nga maka-upod ang mga audience. Dapat man suno sa iya nga ipasundayag ang matuod nga kultura sang mga ati sa Iloilo kag indi sang iban nga pungsod. Nagapati si Arañador nga kinahanglan ang makeover sa Dinagyang Festival agud nga mangin exciting kag refreshing kag mangin pinasahi sa iban. (JoMaque)