Western Visayas Sanitarium, kulang sa supply sang pila ka pagkaon

Sta Barbara, Iloilo — Ginpabutyag sang head sang Dietary Division sa Western Visayas Sanitarium nga kulang ang supply sang pila ka mga pagkaun sa ospital. Suno kay Nenita Sumagaysay, tubtub na lang subong nga adlaw ang supply sang ila karne, isda, ulutanon, panakot kag iban pa. Ginpahayag wala na-aprubahan ni Mr. Conrado Sorongon, accountant sang Sanitarium ang ila budget rason indi makabakal sang supply. 96 ka pasyente kag ginabanta 25 nga mga may leprosy sa ila custodial care ang apektado sang problema. Ginlab-ot sang Aksyon Radyo kanday Dr. Gary Ong, OIC- head sang Sanitarium kag Mr. Sorongon apang wala pa sila nakasabat. Nangin kontrobersyal ang Sanitarium sang nagligad nga tuig kasunod sang suspension order nga ginpapanaug batuk kay Sorongon ni DOH VI Director Marlyn Convocar. (JoMaque)