January 17, 2022

Maestra sa Passi City, patay matapos ginpahayag ginkastigo sang iya bana

Read Time:1 Minute, 3 Second

Passi City — Patay ang 54-anyos nga maestra nga ginpahayag ginkastigo sang iya bana sa isa ka barangay sa Passi City. Nagpangabay ang pamilya nga indi na paglawagon ang pangalan kag lugar sang napatay suno kay PO1 Catherine Palmes sang Women and Children’s Protection Desk sang Passi City Police Station.

Nagaguwa sa imbestigasyon sang police nga Enero 24, mga alas-11 sang gab-i, sang nagbaisay ang maestra kag iya bana bangud gusto dal-on sang iya naka-inom nga bana ang ila salakyan sa syudad. Nagpablotter sa police station sang amo man nga fetsa ang maestra apang nag-ayo nga indi lang pagdakpon ang iya bana. Nagpa-syudad sang Iloilo pa ang maestra sang Enero 25 kag sang Enero 27, nagreklamo siya sa iya utod nga nagasakit ang iya kilid gani gindala siya sa ospital. Enero 28, alas-4:30 sang hapon sang gindeklarar nga napatay ang maestra. Nagpalagyo ang bana kag wala pa nakapauli tubtob subong suno sa pamilya.

Base sa pag-autopsy ni Dr. Owen Lebaquin, medico legal officer sang PRO 6 Crime Laboratory, napatay bangud sang internal bleeding ang maestra. Ginpahayag ni Lebaquin nga may bukol kag may mga lagub sa ulo ang biktima nga compatible sa pagbunggo. May lagub man siya sa baba kag dughan. (JoMaque)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Mga nadakpan nga nagapanigarilyo sa pampubliko nga lugar sang Dinagyang Festival, naglab-ot sa 223
Next post Anay Iloilo Police Provincial Office Director PSSUPT Cornelio Salinas, ginapabalik sa serbisyo sa desisyon sang Court of Appeals 13th Division