Bakeshop sa City Proper, ginransack; 1 sa 2 ka mga suspects, nadakpan

Iloilo City — Arestado ang isa sa duha ka lalaki nga ginpahayag nagransack sa Merzci Bakeshop sa dalan Iznart-Delgado, City Proper kaina sang kaagahon. Ginkilala ang arestado kay Edmund Mendoza, 27-anyos sang Baldoza, Lapaz. Nadakpan si Mendoza sa bulig sang security guard kag duha ka pulis nga na-assign malapit sa lugar. Una nga ginlagas ni security guard Cialbo ang mga suspek kag nagpangayo sang bulig sa duha ka pulis rason nadakpan ini pero nakapalagyo ang upod sini nga si Helbert Soquiña nga nakasakay sa motosiklo. Gin-ako ni Mendoza nga upod niya si Soquina nga nag-ransack sa bakeshop. Ginreport nga ginsulod sang duha ka suspek ang bakeshop matapos nakabaton sila sang impromasyon nga may P2 million nga cash ang unod sang vault sang bakeshop. Gina-inventory na sang kapulisan kun may nadula sa bakeshop. (JoMaque)