Resolution nga nagahingyo kay Senador Grace Poe nga hiwaton sa syudad ang public hearing sa application para sa franchise renewal sang PECO, gin-aprubahan sang City Council

Iloilo City–Gin-aprubahan sang City Council ang resolution nga ginduso ni Councilor Joshua Alim nga nagahingyo kay Senator Grace Poe nga maghiwat sang public hearing sa syudad angut sa renewal sang franchise sang Panay Electric Company.

Ginkalipay ni Alim nga ginsuportahan sang mga kaupdanan niya sa konseho ang resolution. Gintumod nga mga rason ni Alim sa request ang isyu sang overbilling, may billing nga wala sang reading, ginpahayag arogante nga mga empleyado, inefficient services kag ang 28,536 sa masobra 50, 000 nga konsumedor sang PECO nga nagpirma sa petition batuk sa renewal sang franchise.

Naghingyo si Alim nga hiwaton sa syudad ang public hearing sang Senate version sa hagna para sa application sang franchise renewal sang PECO bangud wala siya nahatagan sang nagakaigo nga oras sa Kamara agud mag-isa-isa sang mga reklamo sa electric company. (AGB)