17 ka may daya nga kilohan, ginkumpiskar sa fish section sang Iloilo Terminal Market
Iloilo City — Gin-confiscate sa fish section sang Iloilo Terminal Market ang 17 ka kilohan alas 3:30 kaina sang kaagahon. Suno kay Mr. Emanuel Panongon, Presidente sang Fish Vendor Association, madamu ang nagareklamo nga bumalakal nga kulang ang kilo sang ila ginabakal nga isda. Para man suno sa iya sa kaayuhan sang tanan nga vendors ang ginhimo nga confiscation sang mga may daya nga kilohan. Gin-turn over kay Mr. Erick Agustin, Market-in-Charge sang Iloilo Terminal Market ang mga nakumpiskar nga kilohan. (JoMaque)