Kaso batuk sa residency ni Mayor Jason Gonzales, ginpaboran sang Comelec; Mayor Gonzales, nagapanindugan nga nalab-ut niya ang residency requirement

Lambunao, Iloilo–Ginpaboran sang Commission on Elections ang kaso nga gin-file ni former Lambunao Mayor Bugok Ramirez batuk kay incumbent Mayor Jason Gonzales angut sa isyu sang iya residency.

Gin-confirm ni Mayor Gonzales nga ginkompormihan sang Comelec ang pahayag ni Ramirez sa ginpahayag misrepresentation sa iya Certificate of Candidacy sang 2015. Nagaguwa suno sa alkalde nga null and void ang iya kandidatura.

Isa sa mga gintumod nga rason sang COMELEC suno kay Gonzales amu ang pagka-konsehal niya sang syudad sang Iloilo gani indi siya puwede nga magpadalagan sa pagka-alkalde. Apang gin-athag sang alkalde nga antes siya nagpadalagan sa pagka-mayor sang May 2016 elections, duha ka tuig kag lima ka bulan na siya nagapauli sa Lambunao. (AGB)