Transport group ICLAJODA, nag-react sa suhestyun sang NEDA nga P8 nga regular fare

Iloilo City–Palagpat kag wala natun-an sang maayo sang National Economic Development Authority ukon NEDA 6 ang rekomendasyon nga himuon lang P8 ang pamasahe sang regular nga pasahero sa jeep.

Reaksyon ini ni Iloilo City Loop Alliance of Jeepney Owners and Drivers Association ukon ICLAJODA President Raymundo Parcon sa suhestyun sang NEDA. Dapat kuntani suno sa iya nga ginkonsiderar ang NEDA ang sunod-sunod nga saka sa presyo sang mga produktong petrolyo kag epektu sang Tax Reform for Acceleration and Inclusion ukon TRAIN Law.

Ginpahayag ni Parcon nga gintun-an kag gin-analisar nila sang maayo ang long-term nga sitwasyon antes nagfile sang petition kag naghingyo nga himuon 12 pesos ang regular fare apang ginpanubuan sang ulihi sa 10 ka pesos matapos ang request sang mga stakeholders nga nagtambung sa public hearing.

Nakadepende sa LTFRB central office ang pag-aprubar sa petition sang transport groups. (AGB)