Presidente Rodrigo Duterte, ginmandu nga luwason ang Boracay

Ginmanduan ni Presidente Rodrigo Duterte ang gintukod nga multi-agency task force nga luwason ang Boracay sa ginapangatubang sini nga environmental problems.

Ginabug-usan ini sang Department of Tourism, Department of Environment and Natural Resources, Department of Interior and Local Government kag Department of Public Works and Highways. Suno kay DOT Assistant Secretary Ricky Alegre, una nga ginmanduan ni Duterte ang DENR nga i-check ang mga istruktura kag mga violators sang environmental and ecological laws, i-demolish kag pasakaan sang kaso.

Ang DILG naman suno sa iya maga-file sang kaso sa mga local government officials nga naghatag sang permit sa mga establisemento nga may violation.

Trabaho naman sang DPWH nga kaayuhon ang drainage kag sewage system nga amu ang nagapanguna nga problema sang amat-amat nga pagkaguba sang isla.

Gin-athag ni Alegre nga ang mandu sang presidente, nagatuyo nga maamligan kag mapabilin ang turismo sang Boracay para sa palaabuton. Gin-ako sang tiglikom nga pinaka-apektado sang mandu ang turismo sang isla apang nagapati siya nga kon makita sang mga regular nga turista ang pagpaninguha sang gobierno nga malimpyuhan ang isla, ilabe nga magansayog ang turismo sa Boracay. (AGB)