Bangkay sang Ilongga OFW nga gintago sa freezer sa Kuwait, nahamyang na sa ila balay; lubong gintalana na sang pamilya
Sara, Iloilo — Nahamyang na ang bangkay ni Joanna Demafelis sa ila balay sa Brgy. Ferraris, Sara. Sabado sang aga, Pebrero 17, nag-abot sa Iloilo ang bangkay sang Ilongga OFW nga nasapwan sa freezer sa abandonado nga apartment sa Kuwait apang gindala pa ini sa Funeral Homes sa Brgy. Malayu-an, Ajuy. Gintalana sa Marso 3, Sabado, ang schedule sang lubong ni Joanna.
Una na ginpahayag sang iloy ni Joanna nga si Eva nga naghagan-hagan na ang iya pamatyag bangud nakapauli na sa Iloilo ang iya bata. Nagasinggit sang hustisya ang pamilya Demafelis para kay Joanna. (JoMaque)