Opening ceremony sang WVRAA 2018

Iloilo City — Ginbuksan kahapon ang western visayas regional athletic association ukon WVRAA 2018 sa Iloilo Sports Complex.       Nagmartsa ang Iloilo Blue Giants, Guimaras Strait Crossers, Aklan Astig Maroons, Antique Red Paddlers, Capiz Golden Warriors kag ang ginbalik sa rehiyon nga Negros Slashers sa pagsugod sang programa.

Ang mga gold medalists sa Palarong Pambansa ang naglibot sa oval bitbit ang torch kag nagsindi sa urn of friendship, peace and unity.  Magatakop sa Pebrero 23 ang hinampang nga may tema “Stronger Western Visayas: Synergy for Sports Supremacy.” Napili-an kahapon ang Guimaras para sa best in uniform

Mas mangin maayo ang performance sang Western Visayas sa Palarong Pambansa sa pagbalik sang Negros Occidental sa rehiyon suno kay Governor Arthur Defensor.    Sa opening ceremony sang WVRAA 2018, ginpahayag man gobernador nga makasaysayan ang hinampang subong nga tuig bangod nagbalik ang Negros Occidental sa rehiyon.

Nagapati man si Department of Education Assistant Secretary Revsee Escubedo nga amu ang keynote speaker sa opening ceremony kahapon nga mas mangin mabaskog ang western visayas sa Palarong Pambansa sa pagbalik sang Negros Occidental sa Western Visayas. Dugang niya, posible makuha na sang region 6 ang kampeonato sa Palarong Pambansa subong nga tuig.  (JoMaque)