Iloilo Nagkampeon Sa 2018 WVRAA Sa Secondary Level ; Negros Occidental Nagpanguna Naman Sa Elementary Level

Western Visayas – Nalutsan sang Negros Occidental elementary level ang host Iloilo sa final medal tally sa bag-o lang natapos nga Western Visayas Regional Athletic Association ukon WVRAA Meet 2018 kagab-i.

Nakatipon ang Negros sang 64 ka gold, 55 ka silver kag 38 ka bronze medals samtang ang Iloilo ang nakakuha sang 64 ka gold, 52 ka silver kag 43 ka bronze medals. Ginsundan sang Capiz nga may 11 ka gold, 18 ka silver kag 26 ka bronze medals. Nagpang-apat ang Aklan nga may 7 ka gold, 15 ka silver kag 26 ka bronze medals. Nagpang-lima ang Guimaras may 6 ka gold, 5 ka silver kag 26 ka bronze medals kag nagapangulihot ang Antique nga may 2 ka gold, 7 ka pito ka silver kag 14 ka bronze medals.

Sa secondary level, nagapabilin sa number 1 spot ang Iloilo  nga may 101 ka gold, 70 ka silver kag 59 bronze medals, ginsundan sang Negros Occidental nga may 63 ka gold, 70 ka silver kag 53 ka bronze medals. Nagpangatlo ang Aklan nga may 30 ka gold, 22 ka silver kag 57 ka bronze medals. 15 ka gold, 20 ka silver kag 32 ka bronze medals ang nakuha sang Capiz samtang 4 ka gold, 20 ka silver kag 27 ka bronze medals para sa Antique . 2 ka gold, 11 ka silver kag 26 ka bronze medals naman ang nakuha sang Guimaras sa secondary level. Pero sa kabug-usan nagpanguna ang host Iloilo nga may 165 ka gold, 122 ka silver kag 102 ka bronze medals.

(att)