Ceres bus versus Isuzu MUX

Zarraga, Iloilo–Wasak ang ulo sang Isuzu MUX matapos ang pagbunggu-anay nila sang Ceres bus sa Barangay Jalaud Norte, Zarraga pasado alas-12 kaina sang hapon.

Sa imbestigasyon sang Zarraga police sa pagpamuno sang OIC nga si Inspector Roy Castro, ginrason ni Javier Paloa sang San Enrique, driver sang bus, nga nag-overtake ang ila nasugata nga MUX sa tricycle. Nagpahigad man ang bus suno kay Paloa apang nalab-ut gid ang ulo sang MUX.

Wala naman nasamaran ang driver sang MUX nga si Ronilo Salaroza sang Barotac Nuevo kag ang iya pasahero.

Gin-istoryahanay na lang sang mga drivers ang pag-aregluhanay suno kay Inspector Castro. (AGB)