January 25, 2022

Pangayaw nga lalaki, ginbuno sa belasyunan, napatay

Read Time:45 Second

Cabatuan, Iloilo — Patay ang pangayaw nga lalaki sang ginbuno sang wala nakilala nga suspect sa belasyunan sa Brgy. Salacay, Cabatuan alas 3:45 kaahpon sang kaagahon.

Ginkilala ni PO3 Clint Montefrio ang biktima kay Jason Suaso, 29 anyos, tumandok sang Surigao del Sur kag construction worker sa ginakaayo nga merkado sa banwa.

Suno kay PO3 Montefrio, nagapaguwa sa belasyunan si Suaso sang ginbuno sang wala nakilala nga suspetsado. May 9 ka pilas sa nagkalain-lain nga parte sang lawas ang biktima kag patay na sang gindala sa ospital.

Suno naman kay Senior Inspector Sullen Domingo, hepe sang Cabatuan Police Station, nakilala na nila ang suspetsado apang pa nila mabuyagyag bangud nagapabilin ini nga at large.

Daan nga hiligut-anon may kaangtanan sa trabaho ang ginatudlo motibo sa krimen.

Nagapakig-angut na ang Cabatuan police sa contractor sang ginakaayo nga merkado agud mapahibalo ang pamilya sang biktima sa natabu sa iya. (JoMaque)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Mga suspects nga nag-ransack sa jewelry store sa Gaisano Guanco, may mga pending nga warrants of arrest
Next post Atop sang 3 ka balay sa Brgy. Lanciola, Sara, nakakas sang naglabay ang buhawi