Mga Tools Nga Gingamit Sang Mga Nagransak Sa Jewelry Store Sa Gaisano Guanco Natukiban Sa 4th Floor Sang Mall

Iloilo City — Natukiban ang mga tools nga ginapatihan gingamit sang mga suspek nga nag-ransack sa Aljun Jewelry Store sa sulod sang Gaisano Mall sa Guanco Street, City Proper.

Suno kay Supt. Jonathan Pablito, hepe sang Police Station 1, gintawgan sila sang management sang Gaisano Mall kag ginpahibalo nga nakita sang ila mga panday nga naga-obra sang renovation sa 4^th floor ang mga gamit pareho sang duha ka crowbars, bolt cutter kag mga screw driver. Malapad kag naga-inukay ang ginakay-o nga area suno kay Pablito gani wala gilayon nakita ang mga tools.

Base sa imbestigasyon, nagcheck-in ang mga suspek nga sanday Kenneth Doyodoy, Madred Batnag kag Angelo Cariaga, lunsay mga taga-Mountain Province, sa City Corporate Inn sa kilid sang mall kag nakasulod diri paagi sa pagbuho sang portion sang atop kag nagpanaug sa 4^th floor gamit ang lubid.

Ginabanta 10 milyones pesos nga balor sang assorted jewelry kag 70 mil pesos nga cash ang ginreport sang tag-iya sang jewelry store nga nadula. At-large ang mga suspetsado.

(att)